بله | کانال AlikOnline

۲۳ اردیبهشت

Փեզեշքիանին է յանձնւել Իրանի ֆուտբոլի ազգային հաւաքականի մարզաշապիկը

Իրանի ֆուտբոլի ֆեդերացիայի կողմից Իրանի նախագահ Մասուդ Փեզեշքիանին, յանձնւել է ազգային հաւաքականի 12 համարը կրող մարզաշապիկը։

Երիտասարդութեան եւ սպորտի նախարար Ահմադ Դոնիամալին է այդ մարզաշապիկը փոխանցել Փեզեշքիանին, երբ նախագահը այցի էր գնացել ազգային հաւաքականի ֆուտբոլիստներին։@alikonline

۱۴:۵۳

Daybreak-ի նոր ներկայացումը․
OpenAI-ի նոր արհեստական բանականութիւնը՝ համապարփակ կիբերպաշտպանութեան համար

OpenAI-ը ներկայացրել է Daybreak նախագիծը, որի նպատակն է յայտնաբերել եւ շտկել ծրագրային կոդերի անվտանգութեան խոցելիութիւնները՝ դեռեւս մինչեւ յարձակման իրականացումը։

Այս հարթակը, հիմնւելով Codex Security գործակալի վրայ, մշակում է կազմակերպութիւնների սպառնալիքների մոդելները եւ աւտոմատ կերպով վաւերացնում ներթափանցման հնարաւոր ուղիները։

Այս քայլը OpenAI-ի պատասխանն է իր մրցակից Anthropic-ին։ Daybreak-ը, ի տարբերութիւն մրցակից մոդելների, միաւորում է ընկերութեան ամենահզօր գործիքներն ու մասնագիտացւած մոդելները, օրինակ՝ GPT-5.5-Cyber-ը, որպէսզի կիբերպաշտպանուիւնը վերածի աւանդական մօտեցումից դէպի ակտիւ եւ կանխարգելիչ համակարգ։Zoomit @alikonline

۱۵:۰۶

CNN. Իրանի դէմ պատերազմը կարող է թուլացնել Թրամփի դիրքերը Չինաստանի հետ մրցակցութեան հարցում

Ըստ վերլուծութեան՝ Թրամփի քաղաքականութիւնը մեծացրել է համաշխարհային անկայունութիւնը, եւ թուլացրել է ԱՄՆ-ի աւանդական դաշնակցային ու տնտեսական առաւելութիւնները։
Իսկ Իրանի դիմադրութիւնը բացայայտել է Վաշինգտոնի խոցելիութիւնները։
Պեկինը կարող է սա ընկալել որպէս ամերիկեան ազդեցութեան թուլացման նշան։@alikonline

۱۵:۱۷

Շահբազ Շարիֆը կայցելի Չինաստան

Պակիստանի արտաքին գործերի նախարարը յայտարարել է, որ երկրի վարչապետ Շահբազ Շարիֆը մայիսի 23-ից 26-ը կայցելի Պեկին։ Այցի շրջանակում նա մայիսի 24-ին կը մասնակցի առեւտրային համաժողովի։

Այցը տեղի է ունենում երկու երկրների միջեւ դիւանագիտական յարաբերութիւնների 75-ամեակի նախաշեմին եւ կենտրոնացած է երկկողմ յարաբերութիւնների խորացման վրայ։ISNA@alikonline

۱۵:۲۲

Չինացի սպայի լիովին անշարժ ու զգաստ կերպարը, երբ ԱՄՆ նախագահի ինքնաթիռը (Air Force One) մի քանի մետր հեռաւորութեամբ անցնում էր նրա կողքով, արժանացել է ԶԼՄ-ների ուշադրութեանը։

۱۵:۲۶

AlikOnline

Շահբազ Շարիֆը կայցելի Չինաստան

Պակիստանի արտաքին գործերի նախարարը յայտարարել է, որ երկրի վարչապետ Շահբազ Շարիֆը մայիսի 23-ից 26-ը կայցելի Պեկին։ Այցի շրջանակում նա մայիսի 24-ին կը մասնակցի առեւտրային համաժողովի։ Այցը տեղի է ունենում երկու երկրների միջեւ դիւանագիտական յարաբերութիւնների 75-ամեակի նախաշեմին եւ կենտրոնացած է երկկողմ յարաբերութիւնների խորացման վրայ։ ISNA @alikonline

Ռուսաստանը պատրաստակամութիւն է յայտնել աջակցելու Պակիստանին Իրանի եւ ԱՄՆ-ի միջեւ միջնորդութեան հարցում

Ռուսաստանի դեսպանը Պակիստանում․
Մոսկւան պատրաստ է աջակցել Իսլամաբադի դիւանագիտական ջանքերին՝ ուղղւած ԱՄՆ-ի պատերազմի դադարեցմանը Իրանի դէմ։@isna24@alikonline

۱۵:۳۱

ԱՄՆ-ի դեսպանը Իսրայէլում՝ Պարսից ծոցի երկրներին. պէտք է Իրանի ու Իսրայէլի միջեւ ընտրութեան գնաք
Middle East Eye-ը գրում է․

Մայք Հաքաբին (ԱՄՆ դեսպանը Իսրայէլում) զգուշացրել է Պարսից ծոցի արաբական երկրներին, որ պէտք է ընտրեն՝ դաշինք Իրանի հետ, թէ ռազմավարական համագործակցութիւն Իսրայէլի ու ԱՄՆ-ի հետ։

Նրա խօսքով՝ այն երկրները, որոնք շարունակեն դիւանագիտական մերձեցումն Իրանի հետ, չեն ստանայ նախկին ռազմական կամ տնտեսական արտօնութիւններն ԱՄՆ-ից։

Այս յայտարարութիւնները ցոյց են տալիս ԱՄՆ արտաքին քաղաքականութեան լուրջ շրջադարձը եւ աւանդական դաշնակիցներին լիովին Թէլ Աւիւի ռազմավարութեանը համահունչ դարձնելու պարտադրանքը։ @alikonline

۱۵:۳۷

Թրամփը ժամանել է Պեկին՝ Չինաստանի աջակցութեամբ Իրանի շուրջ ճգնաժամից դուրս գալու փորձով։ Ամերիկեան լրատւամիջոցների տւեալներով՝ նա ցանկանում է, որ Չինաստանը միջնորդի Իրանի հետ համաձայնութեան համար։

Սակայն Թեհրանի մերժումից յետոյ Թրամփը կանգնած է ընտրութեան առաջ՝ սրել իրավիճակը, գնալ գործարքի կամ վերադառնալ առանց արդիւնքի։@alikonline

۱۶:۵۱

۱۶:۵۷

Մարսի մոդելաւորւած առաքելութեան անձնակազմը մտել է Երկրի հետ ամբողջական ռադիօլռութեան մէջ

NASA-ի CHAPEA 2 Մարսի մոդելաւորւած առաքելութեան անձնակազմը աւելի քան 200 օր մեկուսացումից յետոյ մտել է ամենաբարդ փուլը՝ Երկրի հետ ամբողջական ռադիօլռութիւն։

Այս երկու շաբաթւայ ընթացքում 4 հոգանոց թիմը պէտք է ինքնուրոյն լուծի խնդիրները՝ նմանեցնելով Մարսի իրական պայմանները։
Ստացւած տւեալները կարեւոր են ապագա մարդատար առաքելութիւնների համար դէպի Լուսին եւ Մարս։@alikonkine

۱۶:۵۷

BREAKING ԱՄՆ Սենատի՝ Իրանի դէմ պատերազմը դադարեցնելու վերաբերեալ եօթերորդ քւէարկութիւնը եւս ձախողւել է։@alikonline

۱۷:۰۰

Ըստ շրջանառւող տեղեկութիւնների՝ Իրանը ստեղծել է «Հորմոզի նեղուցի կառավարման գործակալութիւն» անունով նոր կառոյց, որը նախատեսւած է նեղուցով անցնող նաւերի շարժը համակարգելու համար։

Նշւում է, որ նաւերից պահանջւում է նախապէս ներկայացնել տւեալներ՝ երթուղու, բեռի եւ անցման ժամանակի վերաբերեալ։

Հաղորդւում է նաեւ, որ Իրանի եւ Օմանի միջեւ վերջին բանակցութիւնները կապւած են եղել Հորմուզի նեղուցի կառավարման ոլորտում համագործակցութեան հետ։

Որոշ աղբիւրների համաձայն՝ մի շարք նաւեր արդէն անցել են նեղուցը՝ նոր ընթացակարգերին համապատասխան։@alikonline

۱۷:۲۵

Իսլամաբադում տեղի ունեցած բանակցութիւնների մասին նոր մանրամասներ է ներկայացրել Իրանի բանակցող թիմի հետ ուղեկցող անդամ Նաբաւիանը։

Նրա խօսքով՝ առաջին նիստում ԱՄՆ փոխնախագահ Ջէյ.Դի. Վենսը յայտարարել է, որ Վաշինգտոնը Իրանից ունի երկու հիմնական պահանջ՝ Հորմոզի նեղուցի լիարժէք վերաբացում եւ Իրանից 60 տոկոս հարստացւած ամբողջ ուրանի դուրսբերում։

Նաբաւիանի փոխանցմամբ՝ Իրանի խորհրդարանի նախագահ Մոհամմադ Բաղէր Ղալիբաֆը պատասխանել է, որ թէեւ ԱՄՆ-ը կարող էր հարւածել Իրանի ենթակառուցւածքներին, սակայն Իրանը եւս կարող էր «կէս օրից էլ պակաս ժամանակում տարածաշրջանի բոլոր ենթակառուցւածքները հողի հետ հաւասարեցնել»։

Նշւում է նաեւ, որ ամերիկեան կողմը առաջարկել է Իրանի համագործակցութեան դէպքում ազատել 6 միլիարդ դոլար սառեցւած իրանական միջոցներ։

Ըստ աղբիւրի՝ կողմերի դիրքորոշումների որոշակի մօտենալուց յետոյ Վենսը յայտարարել է, որ Թրամփը չի ընդունում այդ համաձայնութիւնը՝ նշելով, որ ներկայացւած առաջարկը իրականում պատկանում է Պակիստանի բանակի հրամանատար Ասիմ Մունիրին։ISNA@alikonline

۱۷:۴۷

ԱՄՆ Սենատը 2026 թւականին արդէն եօթերորդ անգամ քւէարկութեան դրեց «Դոնալդ Թրամփի ռազմական լիազօրութիւնները սահմանափակելու» մասին օրինագիծը։

Օրինագիծը մերժւել է՝
50 դէմ , 49 կողմ ձայներով։@alikonline

۱۸:۱۶

Foreign Affairs․ Կարո՞ղ է Թրամփը հասնել Իրանի հետ նոր միջուկային համաձայնագրի՝ այն պայմաններում, երբ Վաշինգտոնն աւելի մեծ պահանջներ ունի, իսկ Թեհրանը՝ աւելի մեծ լծակներ

2015 թւականի միջուկային համաձայնագրից (JCPOA-ԲԱՐՋԱՄ) աւելի լաւ համաձայնութեան հասնելը զգալիօրէն աւելի դժւար է դարձել, քանի որ ԱՄՆ-ի դուրս գալուց յետոյ Իրանի միջուկային հնարաւորութիւնները զգալիօրէն զարգացել են։

Վերջին տարիներին Իրանը տեխնիկական գիտելիք է ձեռք բերել այնպիսի ցենտրիֆուգների արտադրութեան մէջ, որոնք վեց անգամ աւելի արդիւնաւէտ են, քան 2015 թւականի մոդելները, եւ դրանց տեղադրման արագութիւնն էլ երեք անգամ աւելացել է։IRIB @alikonline

۱۸:۴۱

Թրամփի կտակը՝ Վենսի համար
Սպիտակ տան մի պաշտօնեալ.
️Թէոդոր Ռուզւելտի գրասեղանի դարակում պահւում է այն նամակը, որը գրւած է փոխնախագահի համար՝ որեւէ պատահարի դէպքում բացելու պահանջով։

️ Հաւատացէք, մենք ունենք հրահանգներ։ Հրահանգներ, որոնց մասին չեմ կարող խօսել, բայց մենք ունենք այդպիսի հրահանգներ։

Պաշտօնեայի հրապարակած խօսքը, յատկապէս այս օրերին, յատուկ ուշադրութեան է արժանացել։
@isna24

۱۹:۱۸

յատուկ թողարկում
Հետեւեալ հարցազրոյցը տեղի է ունեցել 2011 թւականին՝ Մարս ուղարկւած NASA-ի ինքնաշխատ հետազօտող մեքենայի՝ «Curiosity»-ի ստեղծման գործում դերակատար իրանահայ գիտաշխատողների մասնակցութեամբ։ Թէեւ այն արխիւային է, այնուամենայնիւ շարունակում է հետաքրքրութիւն ներկայացնել, ուստի ընթերցողի հետ կիսւում ենք՝ համառոտ ներկայացնելով «ՀԱՏԻՍ»-ի վարած հարցազրոյցից հատւածներ։

NASA-ի JPL հետազօտական կենտրոնում աշխատող իրանահայ համակարգչային ինժեներ Հանրի Յարութիւնեանը «ԱԼԻՔ»-ին տւած հարցազրոյցում պատմում է «Curiosity» մարսագնացի պատմական նախագծում իր մասնակցութեան մասին։ Նա եղել է մարսագնացի թռիչքն ու վայրէջքը վերահսկող համակարգչային ծրագրաւորման թիմի անդամ՝ աշխատելով բարդ հաշւարկների եւ կառավարման համակարգերի վրայ։ Յարութիւնեանի խօսքով՝ տիեզերագիտութիւնը մարդկութեան բնութիւնը եւ տիեզերքը ճանաչելու մշտական ձգտման արդիւնքն է, իսկ իւրաքանչիւր նոր առաքելութիւն ընդլայնում է գիտութեան սահմանները։

Զրոյցում նա անդրադառնում է նաեւ NASA-ում աշխատող հայ գիտնականների համայնքին, ապագայ տիեզերական ծրագրերին եւ Մարս մարդ ուղարկելու հեռանկարներին՝ նշելով, որ դրա համար դեռ անհրաժեշտ են երկարատեւ գիտական ու կենսաբանական ուսումնասիրութիւններ։ Յարութիւնեանը խօսում է նաեւ դէպի «Եւրոպա» արբանեակ նախատեսւող հետազօտական ծրագրի մասին, որտեղ գիտնականները փորձում են ուսումնասիրել հնարաւոր ջրային պաշարները։

Հարցազրոյցը բացայայտում է ոչ միայն գիտնականի մասնագիտական ուղին, այլ նաեւ նրա մարդկային կողմը՝ ընտանիքի, հայկական համայնքի, սպորտի եւ մանկութեան երազանքների մասին պատմութիւններով։Ամբողջական նիւթը՝ alikonline.ir -ում@alikonline

۱۹:۵۰

Այս մարսագնացը 2011 թւականի նոյեմբերի 26-ին NASA-ի կողմից արձակւեց դէպի Մարս։ Շուրջ ութ ամիս անց՝ 2012 թւականի օգոստոսի 6-ին, այն յաջողութեամբ վայրէջք կատարեց կարմիր մոլորակի մակերեսին։
Առաքելութեան հիմնական նպատակը Մարսի վրայ կեանքի հնարաւոր նշանների որոնումն է։ NASA-ի այս սարքը Մարս հասնելու համար անցել է շուրջ 56.3 միլիոն կիլոմետր ճանապարհ։

Մարսագնացն ուսումնասիրում է մոլորակի հողը, պարզելու, թէ արդեօք Մարսը երբեւէ ունեցել է կեանքի համար նպաստաւոր պայմաններ։ Ստացւած տւեալներն օգնում են գիտնականներին աւելի լաւ հասկանալ Մարսի անցեալը եւ պատրաստւել ապագայ տիեզերական հետազօտութիւններին։@alikonline

۲۰:۱۳

NASA-ի Curiosity-ին արդէն իսկ յաջորդել է Perseverance մարսագնացը:
Perseverance-ը ՆԱՍԱ-ի նորագոյն մարսագնացն է, որը 2020-ի Մարս առաքելութեան շրջանակում վայրէջք կատարեց Կարմիր մոլորակի վրայ։ Այն ուսումնասիրում է Մարսի մակերեսը եւ որոնում անցեալ կամ ներկայիս կեանքի հետքեր՝ միաժամանակ հաւաքելով գիտական տւեալներ ապագայ մարդկային առաքելութիւնների համար։Նշենք, որ մեր առաջիկայ թողարկումներում անդրադառնալու ենք նաեւ Perseverance-ի կառավարման համակարգը հեռւից ղեկավարող թիմի անդամ իրանահայ գիտաշխատող Անայիս Զարիֆեանին:

۲۰:۲۳